Davao City – Padayong nagapahigayon og libreng serbisyo pinaagi sa mobile clinic ang Tebow Cure hospital dinhi sa syudad sa Davao alang ngadto sa mga physically disabled nga mga bata.
Kini ang gibutyag ni Vincent Bitana, Development Sustainability officer sa Tebow Cure hospital atol sa nahitabong AFP-PNP Press conference karong adlawa.
Sumala ni Bitana nga matag Lunes ug Huwebes aduna silay libreng check-up ug operasyon alang sa mga adunay bone deformities nga mga bata nga nag edad og 0-18 anyos.
Gawas sa nasangpit nga schedule dinhi sa syudad, magserbisyo usab ilang mobile clinic sa Provincial Health Office sa Tandag City, Surigao del Sur karong Mayo 25, alas 8am-2pm alang gihapon sa physically disabled children.
Subay niini, ang maong ospital adunay natalang 96,000 ka mga kaso sa sakit sa bukog sa rehiyon XI ug gibana-banaang mokabat sa 200,000 ka mga kaso sa tibuok Mindanao sama sa clogged feet, scoliosis, bali sa bukog sa tiil ug kamot ug uban pa.
RadyoMaN Renz Barbarona
