Davao City – Gikatakdang i-deploy sa lokal nga panggamhanan ang 15 ka mga bus alang sa libreng sakay ngadto sa mga trabahante nga manguli human sa ilang trabaho karong adlawa.
Sumala ni City Transport and Traffic Management Office (CTTMO) chief Dionisio Abude, magsugod og hulat ang maong bus sa may dalang San Pedro lartikular sa Davao City Hall ala-1:00 karong hapon diin ang byahe paingon sa area sa Toril, Calinan, Bunawan, ug Buhangin-Catitipan.
Saysay ni Abude nga aduna usab bus nga magsilbing sweeper alang sa mga na stranded sa kadalanan ug walay masakyan.
Walay angay kabalak-an ang mga pasahero bahin sa seguridad gumikan magdeploy usab ang DCPO og personahe uban sa CTTMO officer aron nga magbantay sa maong bus.
Giklaro niini nga ang gideploy karon nga bus lahi sa mga nakataganang Peak Hours Augmentation Bus System (PHABS) diin kini gikan sa lima ka mga bus companies.
Dugang sa hepe sa CTTMO nga walay limit sa oras ang paghulat sa mga pasahero ug magdepende lang kung aduna pay mga pasahero nga mastranded.
Gani samtang magpaabot adunay usab libre nga lugaw sa Rizal Park alang sa mga pasahero.
Sa pagkakaron, luag ang kadalanan sa dakbayan human nagdeklara ang lokal nga panggamhanan og suspensyon sa klase hinuon padayon ang monitoring sa CTTMO ingon man ang uban pang ahensiya bahin sa epekto ni kanhi Tropical depression Chedeng ug karon Low Preassure Area na lamang apan kinahanglan gihapon mag-igmat.
RadyoMaN Jason Amisola
