Gindagsa kahapon ang talatapan sang land transportation office ukon LTO Region 12 tungod sa ginatanyag nga libre nga theoretical driving course bilang requirement para makakuha sang lisensya sa pagmaneho.
Suno kay Regional Director Macario Bong Gonzaga sang LTO 12 naglab-ot sa masobra 200 ang nagkadto kahapon, apang 50 lamang ang ila sini nga quota.
Dugang pa sang opisyal nga posible mapalawig pa ang nasambit nga programa sang LTO para mabuligan ang mga pigado nga makakuha sang lisensya sa pagmaneho.
Dako suno pa ini nga bulig para sa mga pigado nga bangud sa kadakuon sang bayad sa mga driving school.
Sa subong pinakanubo na ang P2000 nga bayad para sa nasambit nga driving course, apang sa libre nga programa sang LTO bayaran na lamang ang processing fee nga P317.00 kag ang iban nga requirments.
