Free tuition ngan allowances ha kolehiyo, matatagamtaman na yana nga pag-abri han klase

393

TACLOBAN CITY – Gin-aasikaso na han Commission on Higher Education o kun CHED an bug-os nga implementasyon han rules and regulations han free tuition ha State Universities and Colleges dinhi ha Sinirangan Bisayas ngan ha bug-os nga Pilipinas para ha pag-abri hiton klase in waray na puproblemahon an mga estudyante ngan kag-anak ha baraydan ha eskwelahan.

Ha eksklusibo nga interview han RMN kan Dir. Ronaldo Liveta han CHED Central office for Student Services, prayoridad yana han free tuition an mga estudyante nga mga kablas nga aada ha listahan han DSWD.

“Kung ang pamilya nila ay kasama sa listahahanan ng DSWD, sila ang priority. Dapat nakatira sa cities/municipalities ng kanyang pagpapasukan para ma-maximize natin ang community development within that area. May mga sitwasyon po na may mga mahihirap na hindi nakalagay sa listahanan, pwede po silang isama pero dapat may ipapakitang ebidensya.”


An mas maupay yana ha implementasyon han free tuition sumala han opisyal kay libre na gihapon an miscellaneous fee, karuyag sidngon, waray na gud babayaran an mga estudyante.

Nakadugang han kaupayan han free tuition kay posible hira makakarawat hin allowance o pocket money nga nagkakantidad 6, 000 pesos per sem pinaagi han usa pa nga programa han CHED an tulong-dulong.

Sanglit sumala han CHED, waray na rason para diri makatapos ha pag-aram.



“Ang estudyante ay wala ng rason para hindi makatapos dahil ang gobyerno ay nagbigay ng ayuda para sila ay mabigyan ng libreng matrikula kaya ang challenge lang po sa mga estudyante ay ipasa at makatapos sa kanilang pag-aaral. Sa punto pong iyan, dahil sila ay kasama sa mga mahihirap ay aangat po ang kondisyon ng pamumuhay ng mga mahihirap.”

Facebook Comments