Free Wifi Access sa East West Bound Terminal, mapahimuslan na

13
PC: RadyoMaN Joanna Ricote

Gilusad kaganinang buntag sa Department of Information and Communications Technology ang free Wifi sa East West Bound Terminal alayon sa All-Free Public Internet Access Program kinsa nagtumong nga mapalambo ang internet accessibility alang sa mga Pilipino.

 

Nasayran nga mikabat na sa tres mil ka mga free wifi sites ang ilang napahimutang ngadto sa 17 ka mga rehiyon sa nasud nga naglangkob na sa 77 ka probinsya ug kapin 700 nga mga syudad ug minisipalidad.


 

Kini nunot na usab sa ika 100 ka adlaw nga pangatundanan ni DICt Sec. Gringo Honasan sa serbisyo.

 

Matud ni Engr. Aurellano Vicerra Jr., ang Focal person sa Free Wifi For All, nga 80 megabytes ang kakusgon sa wifi sa dict ug adunay kapasidad nga maka konekta og 250 ka mga gadget.

 

Apan dihang 50 pa lang ka mga gadget ang naka connect niini, namatikdan ang hinay ug usahay gakawala nga connection sa wifi.

 

Matud ni Dir. Frederick Amores ang Assistant Regional Director sa DICT nga naglaraw kini nga mag request og dugang aron nga mapakusgan ang kapaspason sa internet accessibility.

Facebook Comments

From Advertisers