Lalaking trabahante sa usa ka mall, gipusil patay kagahapong adlawa sa Barangay Camaman-an

27

Patay nang nakit-an kagahapon mga sa alas kwatro sa hapon sa Zone 3-Tangkongan, Pinikitan, Brgy. Camaman-an ning syudad ang 22 anyos nga si John Mark Lagumbay.

 

Nasayran nga ang biktimang taga-Adela sa maong barangay ang trabahante sa Gaisano, kinsa nakaangkon og duha ka samad pinusilan sa tiyan nga maoy hinungdan sa iyang hinanaling kamatayon.


 

Matud sa amahan sa biktima nga si Edmundo Lagumbay nga katapusan silang nagkita sa iyang anak mga alas dos kagahapon apan dako nalang ang iyang kakurat nga nakit-an na kining patay sa maong dapit.

 

Dugang pa niini nga basi sa istorya sa ilang mga silingan nga duna matud pay wala mailang mga lalaki ang mikuha sa iyang anak sa ilang pinuy-anan apan wala kini masayri kung asa gidala.

 

Apan kagahapon sa alas kwatro sa hapon, mao na lamang ilang nasayrang nadiskubrihan kining patay na sulod sa usa ka balay sa maong dapit.

 

Matud ni Police Senior Master Sergeant Neil Apollo delas Alas, ang imbestigador sa Cogon Police Station nga padayon pa nilang gisunod ang maong kaso aron masayran ang motibo sa pagpatay sa biktima ug maila ang mga suspek sa krimen.

 

Facebook Comments

From Advertisers