Mas gipalapdan pa sa Department of Information and Communications Technology (DICT) ang pagmontar og mga free wifi sa mga lugar diri sa probinsya sa Bukidnon.
Sa interview sa RMN Malaybalay ngadto kang DICT-Bukidnon Provincial Officer Engr. Joel Hoy, gibutyag niya nga sa karon nakamontar ang mga free wifi sa pipila ka mga lugar diri sa probinsya.
Activated sumala pa ang free wifi sa mga extension campus sa Bukidnon State University ug sa uban pang mga State Universities ug colleges sa probinsya.
Lakip usab nga nainstolan ang mga Provincial Hospitals sa Bukidnon partikular sa BPH-Malitbog ug Kibawe.
Sa karon, target nga ma-activate sa buhatan ang uban pang mga free wifi sa nagkadaiyang lungsod ug kabarangayan sa probinsya.
Gibutyag usab ni Engr. Hoy nga adtong Oktubre, mi-expire ang pipila sa mga kontrata sa wifi maong ginatarget nila nga ma-activate kini sa ikaduhang quarter sunod tuig.
Facebook Comments
