Padayun nga gisuportahan sa mga miembro sa Filipino Chinese Amity Club dinhi sa Butuan City ang naga tunhay nga panaghinigalaay sa Pilipinas ug China. Kini ang gihatagan ug kinabuhi sa mga Chinese National nga mga negosyante atol sa gihimo nila nga salo salo ug fellowship sa miaging Dominggo sa Grand Palace Hotel. Gisaulog sa mga local chinese businessmen ang ika 68 nga kasumaran sa pagkamugna sa Peoples Republic of China, ang kasamtangan nga gobierno sa China. Gidungan usab kini sa tradisyun na nga kasaulugan sa Chinese culture ang moon cake festival. Arun mas ipakita ang friendship sa China ug Pilipinas, pag bukas sa programa unang gipatukar ang National Anthem sa Pilipinas diin mihatag pagtahod ang mga chinese sa bandila sa Pilipinas ug gisunod usab ang National Anthem sa China. Sumala pa ni Wilson Chua, ang Presidente sa Fil Chinese Amity Club Butuan ang ilang club nagahatag usab sa mga social services sa taga Butuan. Si Joseph Sy, kanhi President Sa Amity Club nagapasalamat sa katawhan sa Butuan sa maayong relasyun ug pagdawat kanila dinhi isip mga magpapatigayun. “Xie Xie” sa english translation pa thank you mao ang kasagaran pulong giluwatan sa mga chinese isip pasalamat sa ilang taud taud na pagpuyo dinhi sa Butuan.Sent from my Samsung Galaxy smartphone.
