ILOILO CITY – Magapadayun sa gihapon ang tradisyon nga pagpahanugot sa mga manugbaligya sa sidewalks kag sa mga merkado sang syudad bilang pagsaulog sang paskwa.
Ini ang ginpasalig ni Mayor Jose espinosa III santu man sa kinaandan nga ginahimo sang nakaligad nga administrasyon.
Pasalig ni Espinosa nga sundon man niya ini para sa espirito sang paskwa.
Ipasiguro lang sang syudad nga organisado ang baligyaanay kag manami man tulukon ang mga balaligyaan.
Nangin kinaandan na sang city government nga pahanugotan ang pagbaligya sa sidewalk kag nagaextend ang pagbaligya sa mga public markets agud mahatagan sang ti-on nga makakita sang extra ang mga residente sang syudad para man sa ila pamilya.
Nagasugod ang baligyaanay sa sidewalk sa tagsa ka Disyembre 1 kag nagatakop Disyembre 31.
