Davao City – Naka-full alert status ang Davao Region human nga laing pagbusikad na usab ang nahitabo sulod sa Renz Internet Cafe, Corner Valencia and Valdez St, Brgy Kalawag 2, Isulan, Sultan Kidarat usa gikatahong patay ug kapin pulo ang samaran alas 7:35 kagabii, Setyembre 2, 2018.
Gimanduan ni Police Regional Office XI REGIONAL Director PCSUPT Marcelo Morales ang tanang units nga i-maximize pa ang presensya sa kapulisan ug monitoron ang tanang areas sa Davao Region.
Gisulti niini ngadto sa mga Provincial ug City Directors nga siguraduhon nga lig-on ang ilang mga target hardening measures.
Gipabantayan ni Morales sa kapulisan ilabina kining crowded nga mga areas partikular na kining mga bolnerable sa terror ug criminal nga pag-atake sa mga dautang elemento.
Samtang nagpadayon ang imbestigasyon sa nahitabong pagpamomba sa Isulan, nagpadayon usab ang komunikasyon ug koordinasyon sa PRO XI sa mga counterparts nila sa AFP, Intel Units ug daghan pang mga security forces aron dili malutsan sa Rehiyon Onse.
RadyoMaN Aimee Guinita
