Pagkasunog sa barko giimbistigar na sa PCG

91

Nakig-alayon ang Philippine Coast Guard sa Sugbu ngadto sa kabomberohan alang sa gihimo nga imbistigasyon sa pagkasunog sa MV Lite Ferry 28 kagahapon Septembre 2.

Ang barko nikayo dapit sa makina niini, dihang 200 metros na lang ang gilay-on sa pantalan sa Barangay Taloot , Argao .

Gikan kini sa Tagbilaran City sa Bohol ug modunggo sa maong pantalan.

Matud ni Petty Officer 3 Joy Dayon luwas ra hinoon ang 97 ka mga pasahero apil na ang mga tripulante sa barko ,human sa pagkasunog sa barko .

Ang kapitan sa MV Lite Ferry 28 nga si Jhonrey Saradillo gipaabot nga moduso sa marine protest niini karong adlawa nga modetalye kung unsay nahitabo, sa wa pa masunog ang barko.

Ang MV Lite Ferry 28 gidunggo na sa pantalan sa Taloot Argao aron kini masusi .

Facebook Comments