Davao City – Subling nagpahinumdom ang Comission on Election (COMELEC) labot sa implementasyon sa gun ban dungan sa pagsugod sa election period niadtong Enero 13, 2019 nga mahuman sa Hunyo 12, 2019.
Sa pakighinabi sa DXDC RMN Davao kang Krisna Samantha Caballero, ang spokesperson sa COMELEC-XI, nagpahinumdom kini sa guidelines labot sa gun ban o ang pagdili sa pagdala og armas o pag transport niini atol sa gun ban period.
Sigun ni Caballero nga suspendido gayud kadtong nagbaton og armas bisan pa man og aduna kini permit to carry o mission order gawas lang kung nag apply kini sa ilang buhatan alang sa gun ban exemption.
“If they need to possess one, then they have to file an application of certification for authority to bare or carry firearms.” sigun ni Caballero.
Una nang gibutyag sa COMELEC spokesperson nga makonsiderang election offense ang kinsa mang masakpan nga magdala-dala og armas atol sa election period, diin nasayrang makulong ang usa ka violator og dili mu-ubos sa usa ka tuig ug uban pang sanctions subay sa rules and regulation sa COMELEC.
RadyoMaN Kirby Manzon
