Full implementation sang paggamit sang pedestrian overpass sa atubang sang Iloilo National High School kag West Visayas State University, maayo ang epekto sa dalagan sang trapiko sa lugar – PSTMO

181

Nangin maayo ang full implementation sang pedestrian overpass sa Luna street, Lapaz sa atubang sang Iloilo National High School ( INHS) kag West Visayas State University (WVSU) subong nga adlaw, Hunyo 11, 2019.

Ini ang pahayag ni Public Safety and Transportation Management Office ( PSTM,O) head Mr. Jeck Conlu.


Suno kay Conlu, daku ang improvement sa trapiko ilabi na kon rush hour sugod sang gin-implementar sang PSTMO ang paggamit sang pedestrican overpass halin sang Lunes, Hunyo 10 kadungan sang pagbukas sang klase sa para sa mga pribado nga eskwelahan.

Dugang pa ni Conlu nga naka-adjust naman ang mga estudyante sang INHS kag WVSU sa paggamit sang pedetrian overpass pati na ang loading and unloading sang mga jeep sa lugar.

Ginpasiguro ni Conlu nga magapadayon ang implementasyon sini kag may ginbutang sila nga personnel agud magbantay.

Dugang pa ni Conlu nga may iga-assign man nga police personnel halin sa Lapaz police station agud magbantay sa seguridad sang mga nagaagi sa pedestrian overpass kon gab-i.

Facebook Comments

From Advertisers