Pilot testing sang National I.D. System, suguran na sa Setyembre

Pagasuguran na sang gobyerno ang pilot testing sang National Identification System sa pungsod.

Sa ginhiwat nga Cabinet Meeting kagab-i sa MalacaƱan, ginpahayag nanday Socioeconomic Planning Secretary Ernesto Pernia kag National Statistician Dennis Mapa nga hiwaton ang pilot testing para sa implementation sang National ID System sa bulan sang Septyembre tubtob Disyembre subong nga tuig.

Sa idalom sang Republic Act 11055 o Ang Philippine Identification System, isa na lang ka ID ang dapat ipakita kag indi na kinahanglan sang tuman ka damo nga ID kon may transaksiyon sa gobyerno .


Tinutuyo man sini nga malikawan ang red tape sa gobyerno.

Makita sa bag-o nga Phil-ID ang Philippine *Identification* System ( *PhilSys*) Number, bilog nga pangalan ng cardholder kag iya laragway, gender, date of birth, blood type kag address.

May yara man ini sang Biometric Information kaangay sang fingerprints kag iris scan sang tag-iya.

Nagalab-ot sa 107 million ka Pilipino ang target sang gobyerno nga mapa-rehistro sa National ID antes matapos ang termino ni Presidente Rodrigo Duterte sa tuig 2022.

Facebook Comments