> READ! 4 ka mga menor de edad nadisgrasya sa Brgy. San Roque, Surigao City, pipila kritikal. An mga nalambigit sa disgrasya nag-edad pa sa 16 anyos ug an tuyo pareho tag-14 anyos. Sa inisyal na imbestigasyon nan PNP, an driver na 14 anyos pa, babaji na batan-on an gikan sa panag-inom sa panimayay sa isa ka amigo sa Brgy. San Roque, sa dihang mibalik na biyahe sa tunga sa siyudad duol sa boundary sa San Roque ug Togbongon, nawad-an nan kontrol sa manibela an driver gumikan sa kabug-at sa 3 ka backriders na miresulta sa pagkadusmog sa semento na dayan. An mga biktima an puros nakaangkon nan mga bun-og sanan samad, tuyo an kritikal an kundisyon na tagdaya sa Caraga Regional Hospital. Sa dihang tagrespondehan an panghitabo, wayay mahipakita na driver’s license an driver ug tagtuohang nagmaneho na jaon sa impluwensiya sa ilimnong makahubog. > > > > >
