*General Santos City— Gihatagan na ug direktiba ni Pol. Col. Aden Lagradante, City Director sa Gensan City Police ang tanang station commanders bahin na sa sunod-sunod nga kaso sa pagpamusil sa dakbayan.*
*Sumala niya nga luyo pa man sa lapad sa area of responsibility sa matag presinto ug kulang nga ihap sa kapulisan kinahanglan gihapon nga i-maximize ang tanang personahe.*
*Pamahayag niya nga nag-unang direktiba niya sa tanang hepe sa kapulisan nga kinahanglang pakusgan ang police presence gumikan presensya lang sa kapulisan ang ginabantayan sa mga kriminal.*
*Dugang pamahayag ni pol. Col. Lagradante nga kinahanglang tan-awon kung unsa oras kasagaran naga-kahitabo ang krimen aron nga masayran kung angayang bag-uhon ang ilahang security measures.*
*Pagpaklaro niya nga isip miyembro sa kapulisan, kinahanglan nga mas una sila maghuna-huna kesa sa mga kriminal rason nga kung anaa sa dalan nagakahitabo ang krimen, dapat butangan ug personahe sa kapulisan ang mga nag-unang kadalanan hilabina ang mga ngit-ngit o mingaw nga bahin sa ilahang area of responsibility.*
*Gipaniguro nio Pol. Col. Lagradante nga higayon nga iyahang masayran nga naga-relax lang ang mga hepe sa mga presinto sa kapulisan, dili matud pa siya magduha-duha nila i-relib ug hulipan.*
*Pamahayag niya nga higayon nga dili maghimo ug aksyon ang kapulisan bahin niining kaso sa pagpamusil sa dakbayan, kini magpadayon, busa iyahang ginadasig ang tanang station commanders nga hatagan ug pagtagad ang maong kaso tungod makahatag kini ug negatibong epekyo sa peace and order sa dakbayan.*
