General Santos City–Gi-ablihan na sa LGU Gensan ang border sa syudad human nga nag-abli na usab ang mga kasikbit nga lugar hilabina alang sa public transportation.
Sumala kang Gensan City Mayor Ronnel Rivera nga pabilin gihapon ang mga protocol nga ginapatuman sa pagsulod sa Gensan kung asa gikinahanglan gihapon ang proper document sama sa medical certificate.
Lakip sa mga ginapatuman mao ang minimum health standard hilabina ang pagsul-ob ug facemask ingon man ang physical ug social distancing.
Dugang pamahayag ni Mayor Rivera nga sa karon ang ilahang gisiguro nga maablihan mao ang border sa Sarangani ug South Cotabato gumikan aduna usab protocol nga ginapatuman ang maong mga probinsya sa ilahang checkpoint pasulod sa ilang probinsya.
Pagpaklaro ni Mayor Rivera nga sa karon, pabilin gihapon nga sirado ang Regional Border gumikan aduna pay mga natalang local transmission sa mga kasikbit nga lugar sama Rehiyon 11.
Pinaagi matud pa sa pag-abli sa border sulod sa Rehiyon 12, hinay-Hinay na nga mobalik ang ekonomiya.(LVR)
