Davao City – Sa usa ka restaurant-inn nga nahimutang sa Lim Ext.,San Miguel, Digos City, Davao del Sur gikasa sa mga personahe da Digos City Police ug City Social Welfare and Development Office ang entrapment operation batok sa usa ka child trafficker.
Giila ang suspek nga si Jubee Lucero Crispino, 21 anyos.
Sumala sa report gikan sa Police Regional Office XI usa ka concerned citizen ang nakasumbong sa nahitabong prostitusyon sa maong lugar diin menor de edad ginabaligya sa suspek.
Giaresto si Crispino sa mga awtoridad human niini dawata ang kwartang gitunol sa kunuhay customer kinsa agent sa mga awtoridad.
Samtang, gi-rescue ang 17 anyos nga biktima ug gipailawom kini karon sa debriefing.
Kasong Child Abuse ug Expanded Anti-Trafficking in Persons Act of 2003 ang gipasang-at batok sa giingong bugaw.
RadyoMaN Aimee Guinita
