Davao City – Usa sa nakaapekto sa komunikasyon diha sa pamilya mao ang gadgets tungod kay na busy na man ang tanan ug nakalimot na sa pagpakigrelasyon diha sa talad kan-anan.
Sumala ni Jeaneth Ampog, Executive Director sa grupong Talikala Inc., dili lamang diha sa talad kan-anan angay likayang mogamit sa gadgets ug nga kung mahimo, angay adunay pakigdait sulod sa balay nga anaa ang tanang miyembro sa pamilya aron magka-istoryahanay.
Matud ni Ampog, makaapekto gayud ang gadgets dili lamang sa relasyon sa pamilya, sa mga amigo, mga kauban sa trabaho ug uban pa ug nga dili usab produktibo ang usa ka tawo nga naggamit sa gadgets samtang nagtrabaho.
Giklaro ni Ampog nga dili usab maayo sa hisgotanang pagpalig-on sa relasyon ang distractions sama sa gadgets, internet ug social media.
RadyoMan Bernard Pantallon
