Bukidnon – Nagkasabot na ang mga pamilya nalambigit sa maduguon nga disgrasya sa lungsod sa Quezon, Bukidnon ug ang tag-iya sa jeep pinaagi amicable settlement.
Matud ni PO1 Keven Abendan, ang traffic investigator sa Quezon-PNP niini nga nagkasabot na duha mga panig human ang mao nga aksidente sa Balangay 1, Poblacion, Quezon, Bukidnon niadtong Lunes sa buntag.
Mahinumduman nga nagbilin ug 3 nga patay apil ninii ang usa ka Micheal Nissan Lasquitis, 22 anyos nga gidala didto sa dakbayan sa Davao samtang adunay 5 usab ang samdan nga pabiling nagpa-ayo diin tulo niini anaa sa Bukidnon Provincial Hospital-Maramag ug adunay duha usab sa mga nasamdan ang gidala sa Bukidnon Provincial Medical Center kon BPMC.
Gitubag na usab sa tag-iya sa jeep ang tanang galastuhon sa mga kabanay ug mga nasamdan.
Samtang gipagawas na usab sa kapulisan ang drayber sa jeep nga si Johnny Salaom human kining temporaryong gidetinar.
Una nang gi-angkon sa drayber nga nawad-an sa preno ang iyang mao nga hinungdan nga nadisgrasya kini.
