Magaistablisar sang gallery para sa collection nila sang mga laragway kag dokumento ang Sangguniang Panlalawigan ukon SP sang South Cotabato.
Suno kay Vice Governor Vicente De Jesus presiding officer sang SP nag-hire na sila sang team sang consultants para sa nasambit nga proyekto.
Ang gallery of museum ang magaserbe nga repository ukon butangan sang mga collection sang records kag laragway sang SP halin sang 1966 kon kasan-o gintukod ang probinsya tubtob subong.
Suno kay De Jesus, ang mga consultant ang naka-scan copied na sang masobra isa ka libo nga mga litrato kag dokumento gamit ang moderno nga teknolohiya.
Ginpahayag ni De Jesus nga sa bulig sang mga donor, nakakolekta man sila sang mga laragway sang una nga gobernador kag SP members sang South Cotabato.
Nagapawagan man si De Jesus sa publiko nga i-sahre sa SP ang mga daan nila nga litrato sang mga opisyal sang probinsya kag mangin ang old capitol building.
Nagalaum si De Jesus nga matapos nila ang proyekto kag mabutang na sa frame ang mga litrato kag dokumento para ma-exhibit sa masunod nga tuig.
