Apektado man ang game fowl industry sa Negros Occidental bangud sang COVID-19 pandemic.
Sa interview sang DYHB kay Provincial Veterinarian Renante Decena, isa ang game fowl industry ukon ang mga manugsagod sang manok nga inugbulang nga dako ang nangin kapierdehan sa karun nga padayon ang away kontra coronavirus bangud nga wala na sang bulang.
Bangud wala na sang bulang, indi naman makabaligya sang ila mga manok ang mga game fowl raisers.Kasunod sini, ginaduso ni Dr. Decena nga tun-an sang Games and Amusement Board (GAB) kun paano mabuligan kag masustain ang game fowl industry.
Nagapati ang Provincial Veterinarian nga makabangon ang game fowl industry sa halit sang COVID-19 apang madugay pa.
Facebook Comments
