Isa ka tigulang ang napatay matapos masunog ang iya puluy-an pasado alas 2 sang hapon, Mayo 10, sa barangay Quinar-upan, Bingawan, Iloilo.
ginkilala ang napatay nga si Paterno Chavez jr. , 77 anyos sang amo man nga lugar.
Suno kay Fire Senior Officer 3 Candido Encajonado sang Bingawan BFP nga nagluntad ang sunog mga alas 2:20 sang hapon kon sa diin gilayon nga nagresponder ang firetruck sang banwa apang wala gid matapna ang kalayo bangud madasig nga ginlamon ang balay sang tigulang nga nahuman sa light materials.
Nahibaluan man nga isahanon lamang nga naga-istar sa iya balay ang biktima kag wala gilayon makaguwa sang magluntad ang sunog bangud naka-agi ini stroke.
Ginalanataw sang sang BFP-Bingawan nga may kaangtanan sa faulty electrical connection ang gintunaan sang nasambit nga sunog.
