‘Gang’ leader misukol patay

36

Davao City – Patay ang usa ka ‘gang’ leader human misukol sumala pa sa kapulisan sa dihang gisilbi kaniya ang warrant of arrest nahitabo alas 12:50 sa kadlawun sa Abing st., Calinan District, syudad sa Davao.

Sa report sa Calinan Police Station, gidala pa sa ospital ang giilang lider nga si Joshua Dorna alyas Sensuwi, hingkod ang edad, nagpuyo sa purok 24, Teacher village, Pob. Calinan ning dakbayan apan gideklara na kining dead on arrival.

Matud pa samtang ang kapulisan sa Calinan PNP nakadawat og impormasyon nga dunay nakakita sa wanted person, gilayon nagmando ang hepe sa Calinan PNP ngadto sa iyang mga sakop nga i-silbi ang warrant of arrest ngadto kang Dorna.

Apan sa dihang naabot na sa nasangpit nga lugar ang kapulisan, nakabantay ug nihulbot og armas ang ‘gang’ leader hinuon nakauna og depensa si PO1 Abdul Khier Lumagbas apan nakapabuto pa si Dorna hinungdan naigo sa wala nga bukton si Lumagbas ug gidala kini sa ospital.

Naglusad og imbestigasyon ang Scene of the Crimes Operatives (SOCO) ug narekober ang usa ka .38 caliber revolver, tulo ka basiyo sa bala ug usa ka basiyo sa bala sa 9mm caliber lakip nga nakuha ang pinauga nga mariwana sa walang bulsa sa akusado.

Ang patayng lawas sa akusado anaa sa Angel Funeral Homes sa Calinan ning dakbayan.

RadyoMaN Don Pulayao

Facebook Comments