Davao City – Patay ang usa ka 19 anyos nga lalaki human misukol sa kapulisan atol sa gilusad nga buy bust operation sa kapulisan sa Sta. Ana karon lang ala-1:00 sa kahaponon.
Biktima naila sa pangalang Kobe Jan Donayre Maglanat alyas Kobe nakapuyo sa RGA Diamond Street Barangay Paciano Bangoy, Davao City.
Base sa report, positibong napalitan sa poseur buyer ang suspek og usa ka sachet nga shabu sa kantidad nga 500 pesos apan dihang nakamatikod si Maglanat nga pulis ang ka transact niini kalit kini mibunlot og pusil rason nga napusilan kini sa awtoridad hinungdan sa kamatayon niini.
Sa inbestigasyon sa SOCO XI sa pagpanguna ni Police Major Nolan Genova, narekober sa suspek ang usa ka .38 caliber revolver, 3 ka bala, usa ka basiyo, buy bust money nga P500.00 ug napulo ka sachet nga shabu.
Ang patayng lawas sa suspek gidala na sa morgue sa Southern Philippine Medical Center.
Sa imbestigasyon sa kapolisan sa Sta Ana ang suspek nga napatay gituohang usa ka leader sa gang nga ‘midnight boys’.
RadyoMan Don Pulayao
