General Santos City—Midangop sa buhatan sa Police Station 5 ang usa ka dalaga human nga nabiktima sa gang rape sa may, Barangay Tambler Gensan.
Biktima itago lang sa pangalang alias “Girlie”, legal age, residenti sa maong Barangay.
Subay sa reklamo sa biktima sa WCPD sa Police Station 5, alas 2:00 sa kaadlawon sa nakalabayng adlaw dihang nahitabo ang insidenti.
Nag-uban matud pa kini ug inum sa iyang uyab ug sa mga barkada niini, apan dihang nangahubog didto na kini gihilabtan sa iyang uyab sa lugar hain sila nag-inum.
Human nakighilawas kaniya ang iyang uyab, siya gipapuli-pulihan ngadto sa tulo ka ka mga amigo sa iyang uyab. Wala syay mahimo tungod hilabihan niya ka hubog niadtong tungura.
Tungod niini midangop sa kapulisan ang biktima aron nga isumbong ang gihimo kaniya sa iyang uyab ug sa lain pang mga suspetsado.Sa karon nagpadayon ang gihimong imbistigasyon kalabutan sa maong insidenti.
