Ang pagpalit ba sa P3.5B Dengvaxia anti-dengue vaccine gihimo pinasikad sa desisyon sa mga anaa sa political positions kaniadto?
Kini ang nagdula karon nga ideya ug pangutana sa hunahuna sa kadaghanan kun nganong nakalusot ang usaka daku nga programang panglawas sa nasud mokostar ug P3.5B taliwala sa daghang kabalaka sa ka-epektibo niini.
Sa iyang pamahayag atubangan sa Senate Blue Ribbon Committee, gibutyag ni kanhi Health Sec. Janette Garin nga siya usab buot nga mogula ang kamatuoran sa Dengavaxia vaccine.
“The vaccine program is an institutional decision…a product of consultation of experts, health advocates,” segun ni Garin.
“I categorically deny any wrongdoing,” tubag sa kanhi kalihim sa Department of Health sa akusasyong sila sa Aquino administration nakakwarta sa gihulagway nga usaka ‘midnight deal’ sa balor nga P3.5B nga pondo.
“If in the process I shall be called upon on command responsibility, I welcome and fully answer (the accusations),” dugang ni Garin kinsa nihangyo usab sa mga kritiko nga paminawon ang postura sa mga health workers.
Sa kontrobersyal nga Paris France trip meeting uban sa Sanofi Pasteur, gitino ni Garin nga katuyuan sa maong official trip ang ubang health concerns ug dili partikularmente ang mahitungod sa Dengvaxia.
Pikas bahin, usaka expert nga involved sa pagproseso sa immunization program nagkanayon nga nagtagana sila ug napulo ka mga ‘conditionalities’ aron i-fast track ang vaccination program usa na dinha ang pag-limite sa pagpamalit sa bakuna sanglit wala pa kini ma-‘administer sa large population.’
RadyoMaN June Duterte
