Usa ka pagpamusil ang nahitabo didto sa Brgy. Libay, Lungsod sa Rizal sakop ning atong probinsya sa Zamboanga del norte. Mga alas 4:00AM dili palang dugay.
Naila ang biktima nga si Rolly Cristy Sanbuiug 30 anyos, Jonel Tamparong Mangubat, 19 anyos, ulitawo, Julius Baguio Napone, 21 anyos, Romel Senabre Balase, 23 anyos, Junjie Mangubat Nano, 25 anyos pulos mangingisda ug molupyo Brgy. Manla, Sapang dalaga, Misamis Occidental.
Matod pa naglawig kini sila sa kadagatan padulong sa ilang panimalay gikan nangisda sa kadagatan sa musipyo sa Sibutad Padulong saBrgy. Manla, lungsod sa Sapang Dalaga.
Pag agi nila sa kadagatan sa Brgy. Libay, lungsod sa Rizal, ilang namatikdan nga adunay usa ka speed boat nga nagsunod kanila sakay ang duha ka tawo, naila kini sila si Jess Balbaquera ug Robert Arceno, ang duha pulos myembro sa Bantay dagat, molupyo sa Brgy. Nangca, lungsod sa Rizal, ug didto ilang nakita nga mipusil kanila si Robert Arceno sa makadaghan nga higayon ginamit ang wala matino nga kalibre.
Naigo ang gisakyan nga pump boat sa mga biktima samtang ang usa ka kauban nila nga si Arnel Lido Floren, ang nahulog kini sa dagat samtang padayon ang ilang pagpakusog ug padagan sa ilang sakyanan aron makapalayo ngadto sa mga mipusil kanila.
Human nakalingkas ang mga biktima sa mipusil kanila, dali nga nagpahigayon ug search and rescue operation ngadto sa nahulog nilang kauban nga mangingisda.
Samtang ang kapulisan sa Rizal padayon ang ilang pagpangalap ug dugang impormasyon aron masayran kun unsay nagpaluyong motibo sa maong panghitabo ilabi na ang nalambigit mao ang membro sa bantay Dagat.
