GARIN VS. GORDON | Anay health Secretary Janette Garin, ginbuweltahan si Senador Richard Gordon

152

Si Senador Richard Gordon ang dapat nga i-prosecute.
Ini ang pahayag ni anay DOH Secteray Janette Garin bilang reaksyon sa rekomendasyon ni Gordon nga kasuhan siya upod kanday anay Presidente Noynoy kag anay budget Secretary Butch Abad angut sa kontrobersyal nga pagbakal sang dengue vaccine nga Dengvaxia.
Ginhatagan pagtamod ni Garin nga si Gordon ang nagapalapta sang sala nga impormasyon angut sa Dengvaxia kag nakatuga sang kahadluk sa mga ginikanan sang kabataan nga nabakunahan sang Dengvaxia.

Suno kay Garin nga sala ang nabutang sa committee report ni Senador Gordon nga iya gin-akusahan nga nag-monopolized sa imbestigasyon sa isyu.

Iya pa gindugang nga gingamit lang ni Gordon ang Senado para sa kaugalingon sini nga interes.

Ginpamilit man sang anay health Secretary nga indi Dengvaxia ang kabangdanan sang kamatayon sang pila ka kabataan nga nabakunahan sang nasambit nga vaccine.

Wala man ginadula ni Garin ang posibilidad nga ginagamit sa politika ang isyu agud gub-on siya sa publiko pinaagi sa sulit-sulit nga pagpaguwa sang mga sala nga impormasyon natuhoy sa dengvaxia.

Facebook Comments