Davao City – Ang naghingapin nga kahakog ang nagtukmod sa tawo aron ibubo ang iyang hinaguang salapi ngadto sa mga investment schemes nga nangbutho karon sa Rehiyon Onse ug sa ubang dapit sa Pilipinas.
Dili kakulang sa kahibalo ug kasayuran ang ugat kung nganong mangursunada sa pag-invest og kapital ang usaka indibidwal sa mga iskema karon kon dili ang walay katagbawan sa mga butang sa kalibutan ang hinungdan niining tanan.
Sumala ni Ubalde Elementary School Principal Alejandro Sa-ang, gipasulabi sa kadaghanan ang paghigugma sa kwarta mao nang buhaton na lamang nila ang tanan aron maatuman ang hinakog nga tinguha bisan kon nasayod sila nga daku ang purohan nga ma-water ang ilang salapi.
Alang kang Sa-ang, sakto ang gobyerno nga mipatunga na kini sa isyung investment schemes sanglit dili mahimong pasagdan nga mulukop na sa tibuok nasud ang iskema tungod sa dad-on nga peligro niini sa ekonomiya.
Suportado sa maong principal ang Financial Literacy Bill nga planong iduso ni Sen. Sherwin Gatchalian inig balik sa session sa Senado tungod kay mas maayong sayo-sayo pa ma-edukar na ang mga kabataan sa sakto nga paggunit sa ilang bahandi pag-abot sa hustong panahon.
RadyoMaN Joel Viray
