Pagadian City – Mokabat sa 120 ka face shields ang naapod apod ngadto sa commuters ug drivers sa mga buses, jeepneys ug tricycles kagahapong adlawa.
Kini human gihimo sa Land Transportation Office ug Highway Patrol Group dinhi sa syudad sa Pagadian ang pagpanghatag sa libreng face shields sa mga pasaheron ug drivers sa pampublikong sakyanan.
Ang LTO Pagadian pinanguluhan ni District Chief Johan S. Macaumbos ug ang HPG pinanguluhan ni PCpt Romeo B. Orcullo Jr., ang nanguna sa pagbisita sa Pagadian Integrated Bus and Jeepney Terminal ug nang apod apod sa nasangpit nga face shields.
Gihimo ang maong aktibidad isip pamaagi sa pagpahibalo sa mandatory nga pagsuot ug face shield sa mga pasahero sa mosakay sa pampublikong sakyanan pinasikad sa DOTr Memorandum Circular No. 2020-014.
Pagpakita usab kini sa abante o advantages sa paggamit ug face shield sa paglikay sa mikuyanap ug makatakod nga sakit nga mao ang COVID 19.
(Photo: LTO Pagadian City District Office)
