Nabas, Aklan – Arestado rong sangka eaeaki matapos nga magbayolar sa curfew ag maboe-an it baril kabii mga alas 11:40 sa Brgy. Unidos, Nabas, Aklan. Rong suspek nakilaea kay Joefel Danay, 27- anyos ag residente it Brgy. Laserna sa nasambit nga banwa. Suno kay PSSgt. Melvin Alba it Nabas PNP, nga kabii hay nagapatigayon sanda it pagpatrolya para sa mga nagabayolar it curfew hour ag anda nga nakita rong suspek nga naga drive it motorsiklo ag uwa it helmet ag face mask. GInparahan ra imaw it mga kapulisan ag sa pag usisa nakita nga may sukbit nga baril ag insigida gin usuyan it nagakaigo nga papeles pero uwa raya it maipakita. Na recover sa suspek rong 38 revolver ag lima ka mga bala. Sa makaron hay kulong sa lock up cell it Nabas PNP rong suspek ag mag eowas sa pagabayolar sa curfew, uwa it helmet ag face mask hay magapangatubang pa ra imaw it kasong pagbayolar sa RA 10591 ukon Illegal Possession of Firearms and Ammunitions.
