General Santos City— Nag-negatibo ang mukabat sa 106 ka mga Chief Of Police, City Director ug Provincial Director nga una ng gipa-ilalom sa drug test sa Police Regional Office 12 milabay’ng semana. Kini ang gibutyag ni Police Chief Superintendent Marcelo Morales, Regional Director sa PRO 12.
Sumala niya nga human ang mga opisyal sa kapulisan, isunod mao ang mga mas ubos ug rango hilabi na sa mga Police Station kung asa sa karon ang uban ang nagsugod na nga ipa-ilalom sa surprise drug test
Samtang gibutyag ni General Morales nga ang tanang operatiba sa illegal nga droga gikan sa mga Police Station ngadto na sa Regional Drug Enforcement Unit ang mas hugot nga ginamonitor ug kanunay ang ginahimo nga surprise ug scheduled drug test aron masigurong wala sila nagagamitan o dili lambigit sa illegal nga droga.
