General Santos City— Nagsugod na ug libot si Police Chief Superintendent Marcelo Morales, regional director sa Police Regional Office 12 sa mga pampublikong lugar sa Gensan isip pagpagandam sa nagsingabot nga semana santa.
Una niining gibisita ang mga Bulaong Terminal nga sagad ginadugok sa mga pasahero nga buot manguli sa nagkadaiyang probinsya kung asa lakip sa iyahang gisuta mao ang lisensya sa mga driver ingon man ang mga dokumento sa mga bus.
Gawas sa bulaong terminal lakip sa iyahang mga gibisita mao ang uban pang mga terminal sama nalang sa mga terminal sa van.
Iyaha usba gilibot ang mga mall, airport lakip ang makar port aron nga masigurong walay unsa mang makalusot nga posibleng maghimo ug kasamok dungan sa kasaulugan sa semana santa.
Nagbutang na usab ug mga police assistance desk ug medical desk sa maong mga lugar isip tabang sa katawhan.
