General Santos City—- Adunay posibilidad nga mahitabo sa rehiyon ang nahitabo sa Marawi rason nga mas gipahugtan sa kapulisan ang pagbantay sa siguridad. Kung makita matud pa mas hugot nga random ug fix checkpoint ang ginahimo sa tibuok rehiyon ug anaa ang mga police visibility pinaagi sa mobile ug foot patrol.
Pagpaklaro ni gen. Morales nga dili makonsiderang soft target ang rehiyon 12 gumikan na usab sa kooperasyon sa katawhan ug lokal nga panggamhanan.
Samtang gi-angkon ni Police Senior Superintendent Raul Supiter, City Director sa Gensan City Police Office nga adunay taas nga bahad sa siguridad ang dakbayan sa Gensan.
Pagpasalamat niini nga narekober ang mga IED components sa panimalay ni Mushala Rasim sa may Doña Soledad, Brgy. Labangal ning dakbayan milabay’ng semana kung asa kini ang gituuhang konektado kang Abu Omar nga usa ka suicide bomber.
Paniguro niini nga padayon ang ilahang ginahimo nga follow-up operation aron madakpan ang mga posible pang kaubanan ni Abu Omar.
