> READ! Pagbisita sa Surigao City kagabii nan kanhi PNP Chief ug kasamtangang nanguyo sa Bureau of Corrections Gen. Ronald “Bato” dela Rosa tagkumpirmar. Ini pinaagi sa PNP Provl. Director Senior Supt. Ronelo Jaurigue na personal na nakigkita kan Gen. Dela Rosa kagabii. Sumaya pa niini, pipila ka oras ra noagi diri sa Surigao City an kanhi PNP Chief na nopahigayon sa pag-Tour ug may pipila ka mga kaibanan. Gamit an ila mga big bikes naggikan sila sa Manila ug pasingod sa Davao City sa pag-apil sa Iron Man Challenge. Una na nanihapon si Gen. Dela Rosa ug mga kaibanan sa isa ka resto bar sa dayan Borromeo inin siyudad. Maarang na mga Surigaonon an nagpakuha nan hulagway kaiban si Bato gani may pipila pa na tag-aghat ini na mokanta ug mihatag isab nan duha ka kanta adisir mibiyahe pasingod sa Butuan City pasado alas 12:00 sa tungang gabii ug diretso sa Davao City. > > > > >
