Report ni: Jennifer Debaja Palomo
Anum ka bulan ang nagligad matapos nag viral ang video sang 22 tanan ka OFWs sa Riyadh nga nagareklamu batuk sa ila kumpanya, liwat sila nga naga pangayo sang bulig sa gobyerno sa pagpadasig sang ila kaso agud makapauli na sila sa ila tagsa ka mga pamilya.
Suno sa spokesman sang grupo nga si Mark , nag umpisa ang ila problema sang ginpasibangdan sila nga nagapangawat sa kumpamya kag kon indi nila pag akuon bugbog sarado ang ila maagum.Ginpapili sila kon padayunon mag ubra kag ebuhin sa sweldo ang gina pasibangod sa ila sa 2 ka tuig o mapriso.
Ginkasugtan sang grupo nga padayunon ang reklamu gani wala na sila nag ubra.Kag sa sulod sang anum ka bulan nga paghulat sa resulta sang kaso madamu na ang nagakadulaan sang paglaum.Pila sa ila kaupdanan ang nag tuyo pa maghikog para lang maka agaw atensiyon . 6 na ka bulan nga wala sila sang ubra kag expired naman ang ila mga IQAMA .
Gani naga pakitluoy sila sa gobyerno nga tagaan man atensiyon ang ila problema tungod nabudlayan nagid sila sang ila sitwasyon.Naga depende na gid lang sila sa ginarasyon sang OWWA nga pagkaon kag ang ginahatag sang ila kaupdanan kag mga kaabyanan.
Kag tungon naga ginutok naman ang distressed OFWs sa Bahay Kalinga , ginpakamaayo sang grupo nga magpabilin sa accomodation nga daw squatters ang ila sitwasyon.
Ang ginareklamu nga kumpanya amo ang THIMAR NATIONAL AGRICULTURAL MARKETING CORPORATION . Ginhire sila sang agency sa pinas bilang merchandisers apang pag abot sa Riyadh iba nga trabaho ang ila natup an kag wala gidsunod sang kumpanya ang kuntrata nga ila ginpirmahan.
Nagschedule man sang appointment si Secretary Bello sa Pilipinas para maestorya ang pila sa mga pamilya sang mga pinoy apang wala ini nag abot kag si sir Hans CACDAC ang nag atubang sa pamilya.
Sa subong, nagapakitluoy ang mga pinoy nga buligan na sang gobyerno ilabi na ang Embahada sa Riyadh para matapos na ang ila kaso agud makabalik na sila Pilipinas kag malipatan ang mapait nga kapalaran nga ila naagihan sa Saudi.
