El comandante del Mando Policia Rehiyunal Police Chief Supt. Billy Beltran ya ordena contodol mga hefe del mga PNP Provincial y City Commands na entero rehiyon nueve para dobla y intensifica el diila conducta del mga patrolya, checkpoints y seguridad que ta implementa na respectivo Area of Responsibility (AOR).
Durante el mas reciente conferencia del mand oque ya conduci na Campo Abendan,Mercedes – si General Beltran ya reitira el su mga pasao orden de majora el seguridad ambos na entero rehiyon ma-provincia man o ciudad porcausa cay grande posibilidad que conduci y deverti algun atrosidad el mga enemigo del govierno y el diila mga se llama “sympathizers” aqui na rehiyon amediante el ta termina ya guerra na ciudad de Marawi.
Si Beltran ya abla cay no cumbiene man confianza el algun otoridad na presente silencio y calmante situaccion del paz y orden na rehiyon cay este el tiempo que maca-miedo si nosabe el otoridad cosa ta hace estos mga mal-elementos que ta busca lang propio tiempo para conduci el diila mga plañao atrosidad.
Asegun conele, deve ya que ometna el numero del mga patrolya, intensificao intelligence gathering y el spot check points na entero jurisdiccion del PRO9 para evita algun mal-soceso na futuro. – *Bhong Simbajon/RMN News*
