South Cotabato—Nahimong generally peaceful, ang bag-uhay lang nahuman nga T’nalak festival sa South Cotabato, kini ang gikumperma ni South Cotabato OIC PNP Director, Police Senior Supt. Nestor Salcedo.
Sumala sa Opisyal nga walay nahitabong kakulian sa ika-52nd founding Anniversary ug T’nalak Festival nga nahuman kagabie.
Tungod niini dako ang nahimong pagpasalamat ni Salcedo ngadto sa mga kapulisan, militar ug uban pang force multipliers nga nagtinabangay sa pagbantay sa seguridad sa halos usa ka simanang selebrasyon.
Nagpasalamat usab si Salcedo ngadto sa katawhan ug sa mga bisita gumikan sa ilang kooperasyon ug pakig-alayon sa awtoridad.
Nasayran nga gibana-banaang anaa sa 100,000 ka mga tawo ang midagsa atol sa culmination night nga gipahigayon kagabie.
(Photo Credit to: South Cotabato provincial Government FB Page)
