South Cotabato—Niabot na sa probinsya sa South Cotabato ang Cepheid GeneXpert 16-Module Machine. Ang maong himan gipalit sa provincial government sa South Cotabato isip kaabag sa mas gipalapdan nga COVID-19 testing capacity sa Probinsya.
Gikaingong kini maoy pinakauna sa isla sa Mindanao. Nasayran nga ang COVID-19 testing laboratory sa Dr. Arturo P. Pingoy Medical Center (DAPPMC) nagagamitan lamang ug 4-module machine kansa nagpagula ug upat ka test results sulod sa 50 minutos o 30 ka test sulod sa walo ka oras.
Pinaagi sa bag-ong himan, ilang gilauman nga makab-ot nila ang ilang target nga 16 test results sulod sa 50 minutos o maximum ug 150 tests sulod sa 8 oras. Dakong tabang kini sa probinsya alang sa paspas nga turn-out sa test results matag adlaw.
Photo Credit to Provincial Government of South Cotabato
