General Santos City–Dako matud pa ug kabag-ohan sa presyo sa mga bugas sa syudad ang natagamtaman sa mga konsumante human nga gipatuman ang Rice Tarification Law sa tibuok nasud mao kini ang nahimong pag butyag ni Asuncion Rodriguez ang prisedente sa General Santos City Consumer Welfare Council Incorporated.
Sumala pa ni Asuncion Rodriguez nga sukad napatuman ang pagbutang ug SRP sa mga bugas gilayon kining na tagamtaman sa mga konsumante tungod kay kung kaniadto managlahi matud pa ang mga presyo sa bugas depende sa gikahimutangan niini sa karon ilahang nakita nga pari parihas na kini.
Dugang pa niini nga natagamtaman man usab sa mga kunsumante ang pag-ubus sa presyo sa bugas kumpara kaniadto, samtang sa karon wala man usay nadawat nga reklamo ang ilahang opisina kabahin na sa dili parihas nga preso sa bugas sa merkado.(Dave Silagan)
