General Santos City-Hingpit nang giablihan sa publiko ang Gensan CoViD-Facility nga nahimutang sulod sa Dr. Jorge P. Royeca Hospital.
Gibutyag ni Chief of Hospital Dr. Ryan Aplicador, ang pasilidad dunay 12 ka Single Rooms, 1 ka Dialysis Room, ug 3 ka ICU alang sa mga pasyente sa COVID-19.
Matud ni Gensan City Mayor Ronnel Rivera, prayoridad ang mga residente sa lungsod, apan abli sab kini alang sa mga kasigbit nga lugar sama sa Sarangani ug South Cotabato.
Kapin sa P100 milyon ang pundo nga gigahin sa LGU Gensan alang sa maong proyekto.
Dungan sa pag-abli sa Covid-facility sa syudad kagahapong adlawa, gipasalamatan ni Mayor Rinera ang mga pribadong ospital gumikan sa ilang pakig-alayon aron nga mahatag ang panginahanglan sa maong pasilidad.
