General Santos City–Sugod karong adlawa napailawom na sa General Community Quarantine ang dakbayan sa Gensan gikan sa Enhance Community Quarantine sa nakalabayng bulan.
Apan gitin-aw ni City Administrator Arnel Zapatos, nga anaa pa gihapon ang mga limitasyon tungod kay anaa pa gihapon ang Gensan sa community quarantine.
Hinuon dunay pipila nga mga kabag-ohan ang ipatuman sa syudad sukad karong adlawa.
Dugang pagbutyag ni Atty Arnel Zapatos nga dili pa gyud mahibaw-an kungt hangtud kanus-a ayha matapos ang krisis sa covid-19.
Gani bisan sumala pa ang nasyonal nga kagamhanan dili usab masiguro kungt hangtod kanus-a sagubangon sa nasud ang maong problema.
Apan subay sa ubang mga experto posible nga maabtan pa sa sunod tuig ayha mawala ang Covid-19 og nagpasabot lamang kini nga kutob pa lamang kita sa ginatawag nga New Normal .
Pipila sa mga ipatuman ilawom sa GCQ mao gihapon ang pagbawal nga mugawas sa panimalay nga walay facemask.Ipatuman gihapon ang social distancing og pagbawal sa mga tapok-tapok.
Giawhag ni Zapatos ang katawhan nga kung dunay makit-ang musupak mahimong ireport sa Gensan Big Eye aron maaksyonan. (Jordan Britos)
