Gensan Mayor Rivera, nagdeklara na ug local transmission sa Covid 19

21

General Santos City–Aduna nay Local Transmission sa Covid 19 sa dakbayan sa Gensan.

Kini ang pag-angkon ni Gensan City Mayor Ronnel Rivera human ang pipila ka mga kaso nga nagpositibo ug walay travel history apan adunay direktang exposure sa mga covid-19 patient.

Tungod niini iyahang gimando sa mga kompanya nga kung mamahimo temporaryong papuy-on una sa Gensan ang ilahang mga trabahante o dili ba kaha tugutan una ang work from home.

Tumong niini aron nga malimitahan ang lihok sa katawhan ug dili na madugangan pa ang positbong kaso sa dakbayan.

Ang deklarasyon sa Local Transmission ang usa sa pamaagi aron makapahigayon ug halapad nga contact tracing sa 26 ka mga barangay.

Dugang pamahayag sa Mayor nga hangyo niini sa tanan nga kung musulod sa Gensan, dili nalang una mogawas o kung naka-gawas na, dili nalang una musulod sa dakbayan.

Tumong niini aron nga malikayan nga aduna pay madugang nga kaso sa covid sulod sa dakbayan o dili ba kaha, ma-infect sa sulod sa Gensan ug makatakod pa sa ubang lugar.




Sa karon ang ilaha lang gyud nga ginatugutan mao ang mga essential travels sama sa paghatud ug pagkaon o dili ba kaha ang mga nagkinahanglan ug atensyong medical.(LVR)

Facebook Comments