General Santos City–Mag padayon gihapon nga ipailawom sa alert level 4 ang syudad sa Gensan, mao kini ang nahimong rekomendasyon sa General Santos City Police Office ug Join Task Force Gensan ngadto kang Mayor Ronnel Rivera sa nahimong panagpulong sa peac e and order council nga gipatawag sa mayor.
Sumala pa ni Ps/Supt Raul Supiter ang City Director sa GSCPO nga sa karon nag pabilin pa nga anaa sa kritikal nga kahimtang ang syudad luyo paman nga nasikop na ang nag-unang suspect sa pag pamomba sa Barangay Apopong niadtong milabay nga simana.
Dugang pa ni Ps/Supt Supiter nga mas maayo matud pa nga dili mag kompyansa ang kapulisan aron nga masiguro nga dili gayud malutsan sa mga dautang elemento.
Gani lakip na sa ilahang ginapatuman ang No ID, No Entry sa mga entrance sa syudad ingon man ang pag padayon sa curfew. (Dave Silagan)
