General Santos City–Wala pay kaso sa African Swine Fever kon ASF ang dakbayan sa Gensan.
Kini ang gipaklaro ni Dr. Emilio Gargaran sa City Veterinary Office Gensan.
Saysay niya nga sa karon hugot ang ilahang ginahimo nga checkpoint pasulod sa Gensan hilabina sa mga process food nga gikan sa mga infected areas sama sa Davao.
Pagpaklaro niya nga bisan ug muhangyo pa ang mga negosyante o tag-iya sa maong mga process food dili gyud nila kini pasudlon bisan ug adunay dokumento gumikan dili nila gustong ma-infect ang mga produkto sulod sa dakbayan.
Dugang pamahayag ni Dr. Gargaran nga sa karon sunod-sunod ang ilahang mga nakumpiska nga mga produkto gikan sa mga ASF infected areas.
Pamahayag niya nga bisan ug mga produktong manok ang ipasulod sa Gensan apan nataparan ug mga produktong baboy, ilaha gihapon kining ginakumpiska.
Saysay niya nga dili niya masulting Gensan lang tanan ang destinasyon sa maong mga produkto hilabina ang mga naga-agi sa Tinagacan Checkpoint tungod ang uban ang nagabilin lang ug produkto sa Gensan ug naga-deretso sa Sarangani o dili ba kaha sa South Cotabato.(LVR)
(Photo From Web)
