General Santos City— Nagpabiling luwas ang dakbayan sa Gensan, luyo pa man sa mga street crimes ug mga pagpamusil-patay sa nagakahitabo. Kini ang gibutyag Ni Gensan City Mayor Ronnel Rivera.
Sumala niya nga sila sa lokal nga panggamhanan, ilahang ginahimo ang tanan aron nga ma-protektahan ang katawhan ug pinaagi matud pa kini sa paghatag ug suporta ngadto sa kapulisan.
Gawas sa walo ka mga patrol cars ug napulo ka mga m4 rifles, ilaha karong gilauman nga muabot karong semanaha ang mga high tech nga mga radio sets nga may GPS aron masayran ug mas daling ma-monitor ang lokasyon sa kapulisan hilabina ang mga nagabantay panahon sa kagab-ihon.
Aminado man usab si Mayor Rivera nga adunay mga nagakahitabong krimen sa dakbayan ug dili matud pa kini malikayan hilabina sa mga dagkong syudad sama sa gensan.
Apan gipaniguro niya nga duna silay ginahimo nga mga lakang sama nalang sa problema sa mga kabataan nga mga CICL ug ilaha matud pa kining ginahatagan ug pagtagad pinaagi sa CSWDO.
Samtang sa kampanya batok droga, gipakusgan na matud pa ang purok laban sa krimen ug ang pamilyang ayaw sa droga. Kin iaron nga matutukan ang problema sa illegal nga roga sa matag purok sa syudad.
