General Santos City- Gikalipay sa lokal nga panggamhanan sa Gensan ang naangkong kadaugan sa mga delegado sa syudad sa gipahigayong National Batang Pinoy Championship.
niadtong , September 16, 2019 adlawng Lunes atol sa Flag Ceremony sa Oval Plaza Covered Court, gipasidunggan ang mga atleta nga misalmot sa maong event.
Nasayran nga ang General Santos City nakasakmit ug 13 ka gold medals, 20 ka silver medals ug 21 ka bronze medals.
Kapin sa 200 ka mga kabataan ang nag representa sa GenSan didto sa Palawan nga gipahigayon niadtong August 25-30, 2019 sa annual LGU initiated sports competitions.
Sa 94 ka participating local government units, ang Baguio City maoy nanguna sa kompitisyon samtang ang General Santos City anaa sa ika-14th place.
Ang General Santos City ang gideklarang overall champion sa boxing nga nakakuha ug 4 gold ug 1 silver medals.
Samtang ang lokal nga panggamhanan sa General Santos pinaagi sa CMO-Sports Division maghatag ug cash incentives sa mga mananaog nga nagdala ug laing dungog na usab sa Gensan.
Ang gold medalists, makadawat ug P5,000; ang silver medalists makadawat ug P3,000 samtang ang bronze medalists makadawat usab ug P2,000. (CPIO/OM/RSC)
Photo by Gia Morales
