General Santos City–Nagpabiling luwas ang Gensan batok sa bahad sa seguridad, kini ang gipaniguro ni Gensan City Mayor Ronnel Rivera.
Kini ang nahimong reaksyon ni Mayor Rivera human nakalusot ang IED sa koronadal niadtong nakalabayng simana.
Sumala sa mayor nga ang kapulisan sa Gensan wala nagpasagad sa ilang trabaho nga pagbantay sa seguridad mao nga siya kampante nga dili malutsan ang Gensan sa mga dautang tawo nga buot manabotahe sa syudad.
Nanawagan usab si Gensan City Mayor Ronnel Rivera ngadto sa katawhan sa Gensan nga mutabang sa pagbantay sa seguridad.
Sumala sa mayor nga dako ang matabang sa kumunidad sa pagpabiling hapsay sa seguridad pinaagi sa pagsumbong sa kapulisan ug militar kung dunay mga kadudahang tawo o butang nga ilang makit-an sa palibot.
Ang pagbantay sa seguridad dili lang responsibilidad sa kapulisan ug sa militar, sanglit obligasyon kini sa tanang katawhan.
