General Santos City—Gipinguro ni Police Sr. Supt. Romeo Ruel Berango ang Acting City Director sa General Santos City Police Office nga walay nahitabong Extra Judicial Killing sa syudad sa Gensan.
Gihingusgan sa opisyal nga ang kapulisan ang nagasunod sa due process ug wala nila ginatugutan nga maghimo sa ingon ang ilang mga sakop.
Ang mga kaso sa pagpamusil sa syudad ang padayong ginaimbistigahan sa kapulisan aron usab nga masulbad sa hinanaling panahon, gani gibutyag ni Berango nga andam ang kapulisan nga ipakita ngadto sa publiko ang mga case folder sa mga kaso sa pagpatay nga ilang ginagunitan kung ugaling man nga gikinahanglan aron lang mapamatud-an nga walay Extra Judicial Killings sa nasud.
Kahinumduman nga una nang giakusahan ang pipila ka mga Police Gensan nga ilang gipatu-an ang usa ka 19 anyos nga lalaki kansa wala pa hikit-e hangtud sa kasamtangan . (Dave Silagan)
